Rickebächler Lied

Bi üs z Rickebach

Z Rickebach sind mier deheime
Zwüschet Nuss- und Birebäume
Bhabe underem grosse Mythe
Uf dr Schoon- und Sunnesyte.

S Chileli zur Sant Madlee
S Dörfli underem Gimmermeh,
S Tschütschi und dr Tobelbach
S säb ghört alls zu Rickebach.

Au de Grund und s Immifäld
Ghört zu üser eigne Wält
Und duruf und obsi zue
Nu de Bärg und d Roteflue...

Gällid s säb isch nümme nüd,
Was i üsne Marche lyd
S bruchti grad e chäche Maa
Wett er s i füüf Stund ergah.

D Lüt wo da deheime sind
Kännt me bis zum chlynste Chind
Alls isch nüefer, gsund und zwäg
Mänge juuuzet ufem Wäg.

Lampebire, suuri Gsichter
Muggedusser, Schwärmuetsdichter
Trifft me keine oder sälte
Gwüss bimeid, jehr müends la gälte.

(Aus: Am Gätterli von Fritz Ineichen, 1955, Eigenverlag)

   
© Unterhalt durch Einwohnerverein Rickenbach-Aufiberg